[كيلارا]

أذكر الله

عجبى ياواقع فى مشكل دخت عشانه 7 دوخات
تطرق كل الأبواب تسال إلا باب رب السموات

ياما فى كلامك بتكرر قدامنا ربنا موجود
لكن تنساه وقت الضيقة ولا يبقى هو المقصود

خلى إيمانك يابنى "عملى" مش الفاظ فى الهوا بتضيع
إيمان به تمسك فى ربك ناجح فى كل المواضيع

عيب قوى يللى ابوك القادر الأقوى الأغنى الرحمان
تنساه لما تقع فى ازمة وتروح تطلب من إنسان

ياما قالك فى إنجيله : اطلب تاخد ادعى تنول
اخبط بابى افتحهولك وأحقق كل المأمول

سبحان اللى إدانا وسيلة نبلغ بيها كل نجاح
الأبواب لو كانت مقفولة صلواتنا هى المفتاح

صوت فادينا ينادينا لابد نكون له مطيعين
وإن كناش ندعيه فى ضيقتنا إزاى نبقى مسيحين ؟


عيب ياحبيبى . فوق ياصاحبى