ويقول أيضاً ..
كنت فى زيارة للقديس مع والدتى وكان جالساً ومعه بعض الأشخاص.. وبينما نحن جالسين دخلت سيدة وكانت تلح على القديس ليصلى لها فصلى لها، وبعد انصرافها قال القديس: "مسكينة هذه السيدة فهى صغيرة فى السن ولديها أطفال ومحتاجين لرعايتها وهى مريضة بالقلب ولن تشفى منه وأنا صليت علشان أطيب خاطرها" ثم استطرد قائلاً: "مريض القلب يمشى كيلو متر ولا يطلع سلمة واحدة" فتعجبت فى داخلى وقلت فى نفسى: "الأنبا مكاريوس ده جاهل يعرف إيه عن القلب ومريض القلب .. ومنين يعرف أن مريض القلب يمشى كيلو متر ولا يطلع سلمة .. إيه الكلام ده" فنظر لى القديس وهو يبتسم وقال لى: "عارف يا حنا .. قلب الإنسان عامل زى كربراتير العربية لما يكون بايظ تلاقى العربية ملخبطة ولما يكون سليم تلاقى موتور العربية كويس" فتعجبت فى داخلى كيف عرف القديس ما يدور بداخلى .. وللعلم قد كلمنى القديس بلغة السيارات لأنى كنت اعشق جداً عالم السيارات .. فهى كانت هواية بالنسبة لى فكان القديس كسيده الرب يسوع يُعلم الناس بأمثال.