إدعِيلى لمّـا تصَلّى
دا كُل اللى .. فاضلّى
إدعيلى إنــُه يفرجها
ويصبّر قلبى تملّى
يا إيمان مَجدول بصلاه
بتناجى بحَـمد الله
وتسَّبح ربْ المجد
صوتك كله بيوصلّى
كلمت الرب عشانى
قولت له يرفع أحزانى
ودَعيتْ بظهر الغيب
وملاك الفجر قالّى
طَلبتْ الروح تتلاقى
ف الفردوس المُشتاقه
وصبر المُـؤمن طاعه
وأنا راضى باللى حصلّى
إدعِيلى لمّـا تصَلّى
دا كُل اللى .. فاضلّى
إدعيلى إنــُه يفرجها
ويصَبّر قلبى تملّى