[Mary Naeem]

إعلانات رمضان تدعو الناس للانتحار

الدستور
الإعلانات خلال شهر رمضان تمثل نقطة تحدي بين معظم الشركات، فالكل يبدع حتى ينال إعلانه أكبر نسبة نجاح ومشاهدة خلال شهر رمضان، ولكن هذا العام كان هناك العديد من الإعلانات التي كان لها حظًا وفيرًا من سخرية رواد مواقع التواصل الاجتماعي.

كان من أكثر الإعلانات التي نالت حظًا كبيرًا من السخرية على موقع "تويتر" إعلان "قوم اطمن على فلوسك" ، ومن أهم التعليقات على الإعلان: " إعلان قوم اطمن على فلوسك ده .....أنا عمري ما فكرت في الانتحار بس لما بشوفه بحس إن الموت أرحم ...بجد إيه الهبل ده"، وآخر: " الست بتاعت "قوم اطمن على فلوسك" أنتِ بتفصليني و بتقفليني الصراحة".

إعلان لإحدى شركات الملابس الداخلية، كان له الحظ الأوفر في السخرية، حيث انتشرت العديد من التغريدات الساخرة الخاصة بالإعلان ومنها: "هو إعلان قطونيل ده معمول علشان يقلل نسبة المبيعات مثلا !! ده لو قاصد يخسر مش هيعمل كدا"، وآخر: " أحب ألفت نظر متخصصي الدعاية والإعلان في شركة قطونيل إن الشركة خسرت كتير بعد إعلان هاني رمزي ده".
وإعلان لإحدى منتجات الأيس كريم، حيث طالب العديد من النشطاء بعدم عرضه مرة أخرى، قائلين: " عايزين قرار وزاري أو جمهوري بعدم عرض إعلان ميجا كوكيز لو سمحتوا" وآخر قال ساخرًا: " إعلان ميجا كوكيز ده يعنى .. رخامة.. رزالة.. غلاسة.. سقالة.. استخفاف.. استظراف و بس".

إعلان "الفاظة اللي اتكسرت"، كان من ضمن الإعلانات التي نالت على سخط الجمهور، وقاموا بنشر تعليقات ساخرة على الإعلان ومنها: " كان ممكن إعلان الفاظة أم 1200 جنيه ده يخلص بشكل ألطف لو البنت كسرتها على نفوخ الراجل"، وآخر: " المسخرة في إعلان الفاظة الراجل بتاع المحل، محدش خد باله من تسريحة شعره دي؟"

إعلان لإحدى البنوك، فالرقصة التي جاءت في الإعلان كانت محط سخرية الجمهور، حيث وصفها بعضهم بأنها لا تناسب أغنية الإعلان أصلا، ومن هذه التعليقات: " هما في إعلان بنك مصر بيرقصوا على أغنية تانية أنا مش سامعاها ولا حاجة؟ مافيش علاقة بين الرقص و الأغنية و الإعلان مستفز"، وآخر: " محتاجة كتالوج يفهمني إعلان بنك مصر ده عايز إيه؟" بينما قال مغرد آخر: "سؤالي للي عاملين إعلان بنك مصر .. انتو ضميركو مرتاح كده ؟! سؤال بجد".