يا رب ماتحرم حد من اللى بيحبه وياريتك تاخود روحى قبليهم
راجع من شغله مش مظبوط
تقريبا كان حاسس بهبوط
اكل اللقمة ويا مراته
وشرب القهوة وياها في سكوت
فقالتله مالك طمني...
حد في شغلك عكر بالك ؟؟
خلاك مضايق ومكشر
طمني وقولي حبيبي مالك
قالها انا ميت فل وعشره
ادخلي شوفي انتي اللي وراكي
انا هدخل اغير بقي لبسي
وشوية وافوق من ارهاقي
واتسحب علي اوضة ابنه
وميل فوق منه وراح باسه
واداله الدبلة اللي في ايده
وبشويش طبطب علي راسه
وكتبله وصية وفيها كلام
دبلتي وياك هي وساعتي
هتكون راجل البيت من بكره
حافظ علي امك من بعدي
رجع المطبخ باس علي ايدها
ودخل اوضته ونام بعديها
قاله يارب انت اللي باقيلهم
ودموعه بتحضن بعضيها
تاني يوم قام طاير مالفرحه
علشان لسه الروح جواه
قام صحى مراته يفرحها
فلقاها كانت سابقاه
قصيدة لـ مايكل سامي