ظهرت النتيجة
الاسم \ س.ن امبابة - جيزة
انا طالبة فى الصف الثانى الثانوى التجارى كان عندى امتحان اخر العام فى يوم من الامتحانات كان على مادتين هما (كمبيوتر ومحاسبة) انا ذاكرت المحاسبة لانها كانت محتاجة مراجعة باستمرار ومافتحتش اى حاجة فى الكمبيوتر انا وزميلاتى نفس الحكاية .
يوم الامتحان اخت معايا قبل ما انزل من البيت ثلاثة صور للبابا كيرلس ومارمينا انا واحدة والثانية والثالثة لزميلاتى ودخلت الامتحان فى مادة الكمبيوتر وقراءت الاسئلة ولم اعرف اى شئ وقلت يا بابا ساعدنى ارجوك لم اعرف اى شئ وحليت نقطتين من اسئلة كاملة وانا لم اعرف صح او خطا ولما انتهى وقت الامتحان كنت ارجع مع زميلاتى لقيت حاجات زميلاتى هى اللى صح لدرجة ان الاجابة بتاعتى ماتنجحش وقلت انا مش هانجح فى المادة ديه .
وقبل ما تظهر الشهادة صليت كتير وكنت اقول يارب ارجوك يا بابا كيرلس يا حبيبى ساعدنى ارجوك انا محتاجة اليك فى هذا الوقت وكتبت اسم المادة فى ورقة ودخلتها داخل كتاب " ينبوع الحب " لانى قرات كتير عن معجزات البابا كيرلس وقلت خلينى من ضمن معجزاتك انت وقفت معى كتير اقف معى هذه المرة ارجوك .
يوم النتيجة لما ظهرت اخذت صورة البابا وانا دورت على اسمى فى الراسبين لم اجد اسمى انا وزميلاتى ولقيت نفسى نجحت ومجموع عالى فى هذه المادة مكنتش متوقعة ، انا فعلا عاجزة عن الشكر بشكرك فعلا يا ابى لانك ساعدتنى كتير بشفاعتك يا بابا كيرلس والشهيد العظيم مارمينا وبرجوه ان يسامحنى على هذا التاخير بركة صلوات البابا كيرلس تكون معنا آمين .
يتبع