[morcos20]

+
عذاب فى عذاب !!!
+++
ياموج البحر شكيت وحكيت لك أسرارى
ودموعى بتجرى مع موجك ليلى ونهارى
بتشتكى فى صـموت من عـذابى ونارى
وحـبيبى بعــيد عـنى ناسـينى ولا دارى
+++
ياموج البحـر روح وإحكى لحبيبى الغالى
عن دمعى وعذابى وسُهدى مع الليالى
طيفه معايا شاغلنى فى روحى وخيالى
ياموج البحـر طـمّنى وريّح قلـبى وبالــى
+++
عذاب وعذاب وفايتنى فى عذاب وحرمان
بين حيرة وســهر ودمـع العيـون ينســاب
ياموج البحـر إوعـى تنسانى فى ســراب
وتفوتنى بين أمواجـك مع دمـوع العـــذاب
+++
مرقس إســكندر مقار