[Mary Naeem]

منشور اخوانى ببنى سويف: مرسى بيصلى الفجر وحافظ كتاب الله وشفيق عمره ما عمل خير







بنى سويف : جرجس وهيب
قام عدد من أنصار الدكتور محمد مرسى مرشح حزب الحرية والعدالة والذي يخوض جولة الإعادة لانتخابات رئاسة الجمهورية أمام الفريق احمد شفيق بتوزيع منشور بعدد من شوارع محافظة بنى سويف بعنوان الفرق بين شفيق ومرسى
استخدم خلاله لغة التكفير والاتهام المرسل للفريق شفيق واجري خلاله مقارنة بين الدكتور محمد مرسى والفريق احمد شفيق جاء فيه
واحد ( مرسى ) أتعذب واتسجن وواحد ( شفيق ) كان عايش فى رفاهية وحرام على طول
واحد بيصلى الفجر وحافظ كتاب الله هو وأولاده وزوجته وواحد بيطير من مكان لمكان واحد بيشترى مصر بدم الشهداء وواحد يبيع مصر علشان مبارك وسوزان واحد وراه ناس كتير وجماعه بتساعده لوجه الله وواحد وراه بلطجية وحرامية واصطحاب نفوذ واحد كان محروم من كل حاجة هو وشعبه ( دخول شرطة وجيش وعسكرية ووظائف ) وواحد بيختار أهله واصحابة شرطة يا بابا ولا نيابة ولا فنيه عسكريه واحد مسجون فى الثورة 18 يوما موقعة الجمل والتانى كان بيدير ويشارك فى موقعة الجمل وبيجهز ألان موقعة الأفيال والدبابات واحد أتربى واكل وشرب فى بيوت الله واعتكف وصلى وصام والتانى يمكن ما عمره فى يوم من الأيام وشارك فى عمل خير والله اعلم !!
واحد كان بيشارك فى البرلمان أفضل برلماني على مستوى العالم وسياسي محنك والتانى لا شارك ولا كان فى البرلمان ولا حتى يعرف غير الطيارة راحت والطيارة جات لحد ما هيطير عقولنا واحد باع نفسه وأهله ووقته وحياته لله ولصالح بلده والتانى باع بلده ووطنه وأراضى كتير بـ 75 قرش للمتر لصالح جمال واصحابة واحد مرشح الثورة والقوة الثورية والتانى مرشح الفول والنظام البائد الظالم
الاثنين ٤ يونيو ٢٠١٢ - ٣١: ١٠ ص