[فرونكا]

غلط x غلط
-------------
ساعات بنعلم الاولاد في مدارس الاحد حاجات احنا اتعلمناها واحنا صغيرين, بس مش مظبوطة, مثل:

1. حبيبي, غمض عينك في الصلاة عشان ربنا بيزعل من المفتحين !!
التصحيح: احنا بنغمض عينينا عشان نركز في الصلاة ولا نتشتت بالحركة جنبنا. ربنا مش بيفرق معاه شكلنا ولا وضعنا الجسدي.. بس حالة القلب فقط .

2. ربنا بيسكت الملايكة عشان يسمعنا واحنا بنصلي أو بنرنم !!
التصحيح: الملايكة مخلوقة عشان تسبح ربنا طول الوقت.. ولو ربنا سكتها مع كل واحد بيرنم.. عمرها ما هتسبح خالص. ده ميمنعش إن ربنا بيفرح بتسبحنا طبعا .