نفسي يارب أشوف نفسي من خلال عينيك..
نفسي أشوف نفسي جميلة وأنا مليانة عيوب..
نفسي أحبها برغم كل الندوب ..
فأقبلها.. وأبطّل، طول الوقت، إني ألومها..
نفسي اتعايش معاها من غير ماافتكر ماضيها.. وكل الذنوب..
أشوفها مبررة.. ولابسة أحلي ثوب..
رداء برك اللي كسِتني بيه.. وشايفني دائماً فيه .. اللي ثمنه كان دم المصلوب..
أبطّل أصلبها جوايا.. أبطّل أدينها كل ماابص في مراية.....
اسمع صوتك، وأنا شايفاها قبيحة وناقصة، وإنت بتناديها "يا جميلتي.. ياكاملتي"..
طبعا جميلة.. مش إنت اللي بتدي الجمال؟؟
هأقبلك يا نفسي.. لإنك لو غالية كده ومحبوبة كده علي قلب ابويا،
إزاي أنا مااحبكيش ومااقبلكيش؟؟