[روشا الفرفوشه]

الحنين"..
اصل اما ينوى..
انه يهزم..!
يبقى اِنسى..!
ياخدك حتى م التخين..
و المده " لحظه"..!
_* عارفه ليه سكت فجأه وسط الكلام..!

ده كان عشان..

قاطعنى الـ حنين.. !_*

جه و خدنى فـ لحظه منك.. من غير م ياخد حتى اذنك..

و قال حاجات..

عن ذكرايات..

و حد مات..

من سنين..!

و دار حوار..

بينا فـ مكان..

ماعرفش فين..!

شبيه بـ حاجه..

تشبه لـ ذكرى..!

و من "صفاته".. مش هامه بكرا..!

و السبب..

كان وعد بينا..!

و اعزرينى يا حبيبتى..

هناك لقيت..

بنت حلوه..!

كَت زمان فى يوم حبيبتى..

بعتتلى نظره من عيونها..

فـ رضيت سعتها و قعدنا نرغى..

بس كان..

رغى فـ سكات..!

عن كل شىء بينا و فات..

قولنا كل شىء واحشنا..

و قولنا بردو اللى حايشنا..

و السبب..

كان الحنين..!

"الحنين"..

اصل اما ينوى..

انه يهزم..!

يبقى اِنسى..!

ياخدك حتى م التخين..

و المده " لحظه"..!

_*

كل الى فات..

من ذكرايات..

او أماكن..

و الى ساكن..

جوه منى فِـ حكايات..

و افتكرته..

كان بسببه..!

بس بردو..

مش من حقى ان اعاتبه..

دى صفاته..!

و كفايه انه..

اثبتلى انى..

كنت يومهاً فعلاً حزين..

و فـ اجابتى..

بـ "لأ" عليكى..

كدبت اَه فـ الـ مرتين..!!

اعزرينى يا حببتى..

اصل قبلك..

كنت حابب واحده غيرك..

فى الغرام..

كَت شاطره عنك..

قدرت و بـ بساطه..

فـ اللحظه دى..

بـ الحنين..!

تخطفنى منك..



____________________________________
رَغى فـ سُكات / تادرس صلاح
____________________________________