[FIKRY]

الأخت مارى
سامحينى فى عدم الإتفاق معكى فى كلمة حلول الروح القدس على السيد المسيح للأسباب التالية:
1- السيد المسيح أعتمد كما قلتى علشان يكرس نفسه رسميا وطقسيا للخدمة ولو رجعنا بذهننا لسفر الخروج واللاويين فى طقس تكريس رئيس الكهنة كانوا بيعملوا فيه أول حاجة أنهم يحموه بالماء وبعدين يمسحوه بالزيت ( رمز الروح القدس ) , وهو ده بالضبط نفسه اللى عمله السيد المسيح من أجل أنه يكون رئيس كهنة طقسيا , يعنى أغتسل فى نهر الأردن ومسح بمسحة الروح القدس , وعلشان كده كان يوم العماد ده كان حفلة تتويج السيد المسيح كرئيس كهنة , كما يقول روح الرب عليا لأنه مسحنى ., يعنى مسحة وليست حلول
2- فى ناس كثيرة بتفتكر أن السيد المسيح أتعمد علشان يتملى بالروح القدس , الحقيقة لأ وألف لأ لأن الروح القدس فيه طبيعته وجوهره , فالسيد المسيح لم يتعمد لمزيد من الإمتلاء من الروح القدس , لكن فى واقع الأمر ماكانش مزيد من الإمتلاء لكن مزيد من الإخلاء , أى إخلاء ذاته وإتضاع أكثر , وأرجو أن نركز فى هذا التعبير "السيد المسيح ما أتعمدش علشان يتملى لكن السيد المسيح أتعمد علشان يخلى ذاته " , أخلى ذاته آخذا صورة عبد صائرا فى الهيئة كأنسان , وعلشان كده ما تتخيلوش منظرالسيد المسيح وهو جاى وبيضع رأسه تحت أيدين يوحنا المعمدان , ده يوحنا المعمدان كان حا يتجنن , ده أنا اللى محتاج أن أعتمد منك وأنت تأتى أليا , لكن هذا كان بر إخلاء السيد المسيح لذاته وإتضاعه , حقيقى ما تتخيلوش هذا المنظر أن السيد المسيح بيوطى رأسه تحت أيدين أنسان , علشان كده كان بر السيد المسيح فى إخلائه لذاته , وقد أكمل هذا الإخلاء وجاء خاضعا .
أخوكى فكرى جرجس