[Magdy Monir]

روح كنيستك وأطمن إلهك مش بعيد








أبنى ولد مُطيع ................. بس أوقات كتير بيبقى عنيد
طلب يحضر .................................. قداس ليلة العيد
طبعاً مقدرش أمنعه ............................. ده شىء أكيد
قلت طيب وأنت رايح ....................... ألبس خوذة حديد
وكمان قميص واقى من الرصاص ................ يكون شديد
معلش ياأبنى خلينى مطمن .......................... وأنت بعيد
وأتحمل كلامى لأننا زى ما نكون فى حرب... مش فى ليلة عيد
رد وقال يابابا .............................. دا إلهنا قوى وعتيد
أنا رايح كنيستى ومش خايف............. من واحد إيمانه بليد
صدقنى مش ها يحصل حاجة ..................وهنحتفل بالعيد
وهقدم قلبى هدية............................. يكون مزود للوليد
ولو ده وقت مناسب...................... ربنا هيختارنى شهيد
يعنى فى كلا الحالتين .......................... أنا كسبان أكيد
روح كنيستك وأطمن........................... إلهك مش بعيد
هو حارسنا ...........................ومش هيسيب حد وحيد
هو قال ..........................أنتم منقوشين على كف الأيد
شعور رؤيكم محصاة ........... لو كنت قريب أو كنت بعيد


من كلماتى