[Rena Jesus]

مساء الخير يا فادى نقدر نقول عدنا بعد الفاصل
يارب تكون بخير
ومع الاسئله احم احم اقصد الاجابات

26- اكتر المواقف المحبوبة ليكى وعمرك منسيتها ؟؟
احلى يوم فى عمرى لما جبت نتيجه اخر سنه فى الكليه كنت حاسه انى حره وطايره من الفرحه

27-ايه هو عنوانك فى الحياة ؟؟؟
ازاى يعنى عنوانى فى الحياه
بس انا نفسى اعمل حاجات كتيره قوى صحيح لسه محققتش منها حاجه الحمد لله هههههههه بس كفايه ان المبدأ موجود

28- بتحبى العيد الميلاد اكتر ولا العيد القيامة اكتر ؟؟؟
بحب الاتنين خالص كل واحد فيهم ليه احساس مختلف بس طبعا القيامه ليها طعم تانى خااااااالص اسبوع كامل فى الكنيسه ده فى حد ذاته شئ راااااااااااااااااااااائع

29- اكتر الشخصيات فى حياتك بتاثر عليكى ؟؟؟
اكتر حد بيأثر فيا بابا وصديقتى اللى قولت عليها هما اكتر اتنين بتأثر بأرأهم وطريقه تفكيرهم

30- بتحبى الوحدة اكتر ولا انك تكونى مع الناس اكتر ؟؟؟
انا بحب اللمه اكتر من الوحده بس على حسب الناس اللى هأبقى معاهم طبعا عشان فى ناس ممكن يكرهوك فى نفسك لكن لو ناس بحبهم طبعا اتمنى انى اكون معاهم على طول

31- اكتر عيوب فى شخصيتك ايه هى ؟؟
كتييييييييييير عصبيه شويه وبفكر كتيييير قوووووى واكيد فى حاجات تانى بس بلاش فضايح على الهوا كده ههههههههههه

32- اكتر مميزات فى شخصيتك ايه هى ؟؟
لا دى اكيد مش هأعرفها ممكن تسأل حد تانى بس اكييييييييييد يعنى مش هتلاقى حاجه عدله فيا

33- اكتر موقف حزنتى فيه اوووى ؟؟؟
اكتر موقف حزنت فيها كان فى فتره كده بابا تعب قوووووى ودخل المستشفى وكنت خايفه عليه خااااااااالص وفى وقتها كنت صغيره فمكنتش فاهمه ايه اللى بيحصل ومكنتش عارفه اعمل ايه

34- اكتر موقف اتكسفتى فى اوى ؟؟
اكتر مره اتكسفت كان يوم حفله تخرجى

35- اكتر الحيوانات والطيور البتحبيها ؟؟؟
انا بحب كل الحيوانات الاليفه بس من بعيد لبعيد يعنى ميجوش جنبى ولا العب معاهم هههههههههه بأحب اتفرج على حركاتهم بس اكتر حاجه بحبها خاااااااااااالص هى الارانب شكلها بيبقى رااااائع

36- اكتر الحيوانات والطيور التكرهيها ؟؟
لا مش بأكره حاجه معينه بس بأخاف من صوت الغراب

37- اكتر الناس البتيجى على بالك مين هما ؟؟
كل اللى بحبهم واصحابى وبناتى فى الخدمه

38- اكتر الصيامات البتحبيها ايه هى ؟؟
الصيام الكبير واسبوع الآلآم بالأخص

39- اذكرى لينا اهم القديسين البتحبيهم فى حياتك وبتكلميهم دايما ؟؟؟
امى العدرا اللى لو عدى يوم ومشوفتش صوره ليها بيبقى يوم وحش خاااالص وحبيبى البابا كيرلس وحبيبه مارمينا ومارجرجس سريع الندهه اللى عمرى ماخذلنى وابونا فلتاؤس على فكره حنين قوى لما بأعاتبه بحسه بيرد عليا وابو سيفين وابو اسخيرون قايمين بالواجب وزياده معايا وطبعا شفيع جرجا الانبا مينا وحبيبنا كلنا البابا شنوده وكتير من القديسين انا بس مش عايزه انسى حد بركه شفاعتهم تكون معانا كلنا

ونكتفى بهذا القدر هههههههههههههه وسورى على التأخير