[Mary Naeem]

بركة الاحساس بالبرد .... فلنشكر ربنا


- كام يوم برد و مطر و الكل بيتأفف و مش مستحمل و فيها ايه يعني لما تسيب نفسك تحس بالبرد شوية دي بركة تشكر ربنا عليها ادهالك عشان تحس بالبردانبن علي طول مش كام يوم بس ...
- بنتباهي ان كل واحد لابس بدل الطبقة طبقتين تلاتة علشان البرد فيه ناس لايملكون غير طبقة واحدة من الملابس جرب تعمل زيهم و اشكر ربنا علي انه اداك بركة الاحساس ...
- فاتحين الدولاليب و متضايقين علشان مش كل بدلنا و بلوفراتنا و بالاطينا هاتليق علي " كل " لبسنا و حاطين خطط للشوبنج علشان يبقي نمتلك كل الالوان اللي تليق علي كل اللي عندنا من الهدوم خد بركة الاحساس اللي ربنا مديهالك و اشكره عليها و خذ قرارك انك مش لازم تشتري السنة دي هد...وم كثير و غالية و بالفرق اشتري بيهم للي معندوش الرفاهية دي و كل مايملكه هو لبس أو اثنين لابسهم في كل فصول السنة ...
- مش حاسس ب نوزك ولا أطرافك عشان شوية برد ده فيه ناس مش حاسين ب جسمهم كله طول السنة حر و برد فيها ايه لما نشاركهم كام يوم و نتمتع ب بركة الاحساس و نشكر ربنا اللي ادانا البركة دي ...
- اضطرتك الظروف تاخد مواصلة و طبعا بتكون تاكسي في الغالب و وقفت مستني ثلث أو نص ساعة و حسيت بلسعة البرد وانت حتي عامل احتياطاتك في اللبس لو مش متأخر اقف شوية كمان واستني في الجو ده و أشكر ربنا علي انه اداك بركة و عطية الاحساس ياما ناس بياخدوا 4 ساعات مواصلات مواصلات مش اي رفاهية في عز المطر و البرد و الاتربة و الحرارة او اركن عربيتك بعيد شوية و امشي في البرد ده و اتمتع بالبركة دي ده فيه ناس زيك لايملكوا حق المواصلات و بيروحوا مشاوير و مشاوير مشي ...
يارب دييم علينا بركة و نعمة و عطية و فضيلة الاحساس ليك كل الشكر ... أمين