[محتاجه لايدك ياربى]

والنبي وحياتك يا معلم
لو شفت شهيد وانت معدي
قوله ان الثوره خلاص نجحت
والدنيا بقت بمبي ووردي
قوله اننا عايشين ف عداله
والعيشه مزهزها يوم ورا يوم
قوله الحريه بقت لينا

ولا يوجد بني أدم مظلوم
وان سألك علي واحد صاحبه
بيقولوا ده مات
قوله دي اشاعات
وان سألك علي أحوال بلده
اكدب معلش وقوله ياريس كله تمام
وان كان وصاك يوم علي أمه
طبطب علي كتفه وقوله اطمن ..
مش محتاجه يا صاحبي كلام
وان سألك ع اللي زمان قتله
استغفر ربنا كده ف السر
واضحكله وقوله .. أخد اعدام !!!

"مينا مجدي"