ترنيمة فرحان بيك
1_فرحان بيك وانا ماشى معاك فى طريقك انا بااستناك
ولو انت ادتنى الحرية انا بااختار افضل وياك
يالى مراحمك دى ابدية شايلانى بعطف وحنية
وانا ماسواش ابدا وبقولك نعمتك دى يارب غنية
الاعمى بيشوف النور والمزدرى من الناس مقبول
والخاطى لما بيتالم ترفعة باايدك على طول
2_وقت الخطر انت معلمنى افضل ثابت فيك مع انى
لما بشوف الموجة بتعلى روحى يارب بتهرب منى
3_كل مااشوف صورتى المكسوره وعيوبى جوايا محفوره
الاقيك بتجمل وبترسم بتشكلنى فى اجمل صوره
4_فى الضيقه وجدتلى المخرج ووعدتنى من الحزن راح اخرج
دى مراحمك قويه ياربى والصعب ده قدامها بيفرج