[Mary Naeem]

في لحظه من لحظات حياتي
انا قررت افتحلك قلبي


عايزك تجاوب علي سؤلاتي...وانا هاحكيلك ومش راح اخبي
عارف؟؟؟؟؟
ساعات بكون خايف...
ومن خوفي مش شايف
بشوف الغلط صح
وبشتم وبجرح
ساعات كتير بحس بالوحده والغربه
وكان الدنيا كلها ما فيهاش اهل ولا احبه
والتعامل مع الناس اصبح حاجه صعبه
ساعات بخدم وبتعامل مع الناس بكل حب
واستني اشوف منهم ابتسامه تنسيني كل التعب
لكن كتير بيكون الرد اصعب من اي ضرب
((نفسي اعرف :انا ايه بس ذنبي))
لكن
ارجع وافتكر اد ايه انت بتستحملني
ولما ببعد عنك بتدور عليا وبترجعني
ولما فضيقتي بندهلك بسرعه بتسمعني وبتنجدني
وكل ما بغلط ..... بتغفر ليا وبتسامحني
يا احن من كل الدنيا عليا
انت اللي علمتني معني الحنيه
تعالى يارب اسكن قلبي ونور لي عنيا