[Mary Naeem]

اناجايبالكوالنهارده طريقه بسيطه اوي
تعملوا بيها ديكورللحيطه باقل التكاليف
وابسط مجهود

الادوات اللي هنحتاجها:
جلد او ورق حائط او ممكن الاستيكرات التقيله
علبه غراء
قلم
مشرط
اي حاجتين مربعين واحده اصغر من التانيه
وطبعا هوضح بالصور


اول حاجه خالص الجلد

انا اختارت الجلد دا لان هو اللي موجود اصلا عندي
وعلي فكره هو مش غالي تقريبا المترب16
وانا استخدمت ربع متر بس لاني لسه مكملتش الباقي

تاني حاجه

البينك دي مرايا صغننه بتاعه الشنطه
والحمرا دي علبه قطيفه بتاعت الدهب

ثالث حاجه

علبه الغراء

رابع حاجه

دول الادوات كلها مجمعه

ندخل بقي علي الخطوات

اول حاجه هنفرد الجلد علي وشه علشان نحدد المربعات علي الظهر زي ما هو فالصوره
هنحط العلبه الكبيره ونحدد حواليها بالقلم وبعد كدا هنحط المرايا الاصغر في نص المربع ونحدد تاني بالقلم
بحيث يكون عندنا مربعين جوا بعض كدا

وهنا بعد ما خلصت تحديد كل المربعات

وبعدين هنقطع المربعات اللي حددناها كدا

وبعد كدا هنقطع بالمشرط المربعات الصغيره اللي
جوالمربعات الكبيره
وهيبقي كدا

وهنا بقي بعد ماخلصت تقطيعهم كلهم

دي بقي الحيطه اللي كنت عايزه اغيرها
كنت عايزه اعمل اي حاجه كدا حوالين المرايا

وهنا بقي نبتدي نلزق المربعات دي بالطريقه اللي نشوفها مناسبه حسب زوقنا
علي فكره انا عمله الغراء فقط علي الزوايا بتاعت المربعات وعملاها قليله اوي عشان اقدر اشتالها بعدكدا عشان هغير
لون الوضه يعني دا وضع مؤقت

وهنا بعد ما خلصت لزق كل المربعات انا حبيتها بالشكل دا اكتر


وهنا بقي عملت افتكاسه طلعت حلو اوي
جبت فصوص الماظ ولزقتها فالمربع الصغير عشان تدي
ضي حلو لان المرايا من الطروف فيها شغل ليزر اصلا عامل شكل الالماظ

ودي صوره ليها من قريب شايفين لايقه عالمرايا اوي