لما تلاقى شياطين صغيره جوه دماغك
عماله تتنطط وبترقص فرحانه ,
بلاش تتحداهم ,
وتقول دى عيال صغيره
وتستناهم لما يكبروا ,
وتقول انك جامد مش هتتأثر بيهم ..
عارف لو سبتهم لبكره , هيكبروا ..
وعلشان يكبروا محتاجين يتغذوا ..
عارف هيتغذوا على ايه .
على فرحك واحلامك , ومستقبلك , وسلامك
وقتك اللى هيضيعوه , وعمرك اللى هيسرقوه
والاهم من ده كله """ علاقتك بربنا """
خاليك جدع واطردهم وهما عيال صغيرين
علشان مينكدوش عليك
و تعرف تحس بطعم حياتك