[Mary Naeem]

يعنى علينا يا ستات طول الوقت مظلومات


تيجى المدارس واحنا الى بيطلع عنينا
من اول يوم صحى العيال فطرى العيال لبسى العيال
ودى المدرسه وارجعى فطرى الباشا ابو العيال
وبعدين اكنسى وروقى ونضفى واعمللى الغدا...
عشان العيال وبعدين غدى العيال واعملى الواجب
للعيال وذكرى وسمعى للعيال
وبعدين غدى ابو العيال وارجعى اشخطى فى العيال
عشان يذكروا وبعدين عشى العيال
واشخطى وضربى بالجزم عشان ينامو بدرى عشان
المدرسه وبعد ما تنيمى العيال
الحقى عشى ابو العيال ده هو الخير والبركه
وبعدين روقى نفسك كده وفوقى عشان تقعدى
شويه قدام التلفزيون مع ابو العيال
والنتيجه انك بعد فتره قصيره بتلاقى الى بيصحكى
يقوليك( وهو ضارب بوز ) قومى يا أم العيال نامى
فى اوضتك اصلك نمتى على نفسك وانتى قاعده
وطبعا ابو العيال زعلان ..
وتصحى تانى يوم تلاقى البوز ممدود عشان نمتى بدرى
ويساليك السؤال المعتاد ممكن تقوليلى
كنتى بتعملى ايه طول اليوم ؟؟؟
كنت بلعب بلاي استيشن مع العيال يا ابو العيال
(يالهووووووووووووووووووووووووووووى )
ارحمو من فى الارض يرحمكم من فى السماء