[Mary Naeem]

اوك نكمل

كبداية عايزين نعلم اولادنا ازاى يشكلوا حاجات بسيطة من العجينة دى زى الوردة دى مثلا



الخطوات بسيطة و الصور شارحة نفسها
نجيب قطعة سيراميك لونها ابيض كدة



نحط فى قلبها قطعة لونها اصفر كدة اهه



نقفل العجينتين على بعض بحيت تكون الصفرا من جوة و الابيض على الحروف و نقلبها على ضهرها و بالمقص و نقطعها زى ورق الورد



هنلاقيها بقت وردة صغنونة كدة لو حبينا نديها شكل طبيعى ممكن بحاجة رفيعة و نمشى خطوط بسيطة على الورد كأنها تعريجات طبيعية على الورقة
و عشان نعمل ورق الشجر نجيب عجينة خضرا و نشكلها بأدينا او بقوالب و قطاعات بتاعة بسكويت او لعب الاطفال



ممكن بقى نجمع الورود دى مع بعض و نحطها فى برواز داير ما يدور او نحطها على غطا علبة مثلا زى الشكل ده ممكن نعمل بيها توك كلبس للشعر او حتى اكسسوارات بتبقى حلوة اوى



نسيبها تنشف خالص و بعدين نرشلها ورنيش عشان يحافظ عليها و يديها لمعة حلوة