[sama smsma]

طريقة عمل البيكاتا بصوص المشروم ( عيش الغراب )

الاكلة دى بحبها اووووووى فهي لذيذة وبسيطة ومشهورة جدا بالمطاعم
والفنادق
وهاقدمها لاعضاء الفرح المسيحى بطريقة سهلة خالص



المقادير
نصف كيلو لحم مقطعة شرائح صغيرة + كوب كريمة لباني + كوب مشروم + بصلة مقطعة صغير جدا + نصف كوب زبدة + دقيق + ملح وفلفل اسود مطحون + 2 كوب ماء + ملعقة صغيرة مسطردة + مكعب مرقة لحمة

الطريقة:
تتبل اللحم بالملح والفلفل والبصل والمسطردة
ثم ناخد اللحم من الخلطة
وتغطي اللحم بالدقيق
يسخن الزبدة في صينية ونحمر اللحم حتي يأخذ اللون الذهبي
نرفع اللحم من الصينيه ونضع البصل الذى كان فى تتبيلة اللحمة
حتي يصبح ذهبي اللون
فنضيف المشروم ( عش الغراب ) ونستمر في التقليب حتي يبدء المشروم في التشويح (بدايه تغير اللون)
بعدها نضيف الكريمة ونقلب دقيقتين ثم نضيف كوبين الماء وعندما يغلي الخليط تضيف اللحم مرة اخري ومكعب مرقة اللحمة ونتركهم علي النار حوالي نصف ساعة حتي يتماسك السائل الذي ينضج فيه اللحم
وتقدم بالهناء والشفاء مع ارز وبطاطس بوريه