كنت ايام الدراسة في سكن مغتربات تابع للكنيسة وقبل الامتحانات السكن تقريبا بيفضي وانا كانت امتحاناتي تبدأ قبل امتحانات الكليات فرحت السكن مع زميلتي كنا في الدور الرابع كله لوحدنا ولما وصلنا وفتحنا الاوضة ملقناش المكتب فقلنا نلف علي الاوض لو لقينا مكتب زيادة ناخده دورنا في كل الادوار ووصلنا لاخر شقة في الدور الارضي دخلنا اوضة لقينا وحدة شعرها منكوش وقاعدة علي سرير وماسكة كتاب فقلنا اكيد من المذاكرة اصلها بتعمل كتير المهم سألناها علي مكتب زيادة عندها قالت لا بس ممكن تاجدو المكتب بتاعي تعالو انا خفت وشكرتها ومشيت احنا وطالعين من الشقة قابلتنا وحدة زميلتنا فقالت ايه الا دخلكم هنا فحكينا لها الا حصل فقالت اصل الا كنتو عندها قريبة الاخ المسئول عن السكن وهي مريضة نفسيا وامبارح مسكت في خناق واحدة من البنات وكانت هترميها من البلكونة انتو احسن حاجة تدخلو الاوضة وتقفلو علي نفسكم كويس اصلها بتطلع في الليل تخبط علي الاوض وفعلا دخلنا الاوضة وقفلنا الباب وبعد ساعة الباب خبط فقلت مين رد عليا صوت واحدة قالت انا جبتلكو المكتب انا ساعتها حسيت ان قلبي وقف ومردناش
طلعت زميلتنا الاقابلناها عاملة فينا مقلب بس انا سعتها اول مرة احس بالخوف بالطريقة دي
يالا بقي هات الخمسة جنية شحن