[Mary Naeem]

طير يا طير وعلمنى التسبيح



طير ياطير وارفع صوتك بالتسبيح


تسبيح وتهليل لمن وهبك الفرح الكبير

طير يا طير وغرد للقدير


فانت تدرك اكثر منى عظمه الحبيب


طير يا طير ورفرف بتهليل


رفرف وماتقولش انا صغير

طير يا طير والقط حبك حبة حبة من يد القدير


طير بفرح فقيمتك فى قلبه اغلى من الفلسين


طير يا طير وافرح وفرحنى بلقاء القدير


فبيك اعترف انى لمست حبه من رعايته ليك


طير وسبح معايا بتهليل قدوس وعظيم يا ربى القدير


طير يا طير واحكيلى لما بتعلى فى سماه بتفكر فى ايه


بتفكر فيه انه خلقك حر وقلبك متهلل بفرحك فيه


احكى وقولى بتفكر انه رفعك تحلق فى سماه بالرغم من انك صغير


احكى وفرح قلبى ازاى حاميك ومديك طبيعته بين جناحيك

احكى وقولى ماتخفش منى


نعم انا انسان ولكنى معاك متهلل بيه

انا كمان طفله الصغير
انا لحبيبى وحبيبى لى
فصليبه كان من اجلى انا الصغيرفى ملكه الكبير
دا كان من اجلى بيه رفعنى انا كمان ليه


بدون جناحات رفعنى لسماه بحب عجيب


اشعر فرحك بيه اعلم معنى ابتهاج القلب باعظم حبيب


ادرك ادراكك عندما تحلق بحريه تعلوا وتعلوا فوق عقول علماء ومبتكرين


ادرك انك لمست حبه مثلى


فاسمحلى اشاركك تسبيحه وتمجيده


بحب منه واليه