[Mary Naeem]

أم شهيد لمرسي: (إيه يضمن لي إنك هتجيب لي حق ابني ومش هترجع في كلامك؟)


المرشح الرئاسي لجماعة الإخوان المسلمين الدكتور محمد مرسي






مصطفى الأسواني توجهت والدة الشهيد محمد مصطفى، بمجموعة من الاستفسارات للمرشح الرئاسي لجماعة الإخوان المسلمين الدكتور محمد مرسي، قائلة: إزاي حتجيب لي حق ابني اللي اتقتل؟، وإيه اللي يضمن لي إنك هتجيب له حقه؟، خاصة وإن "مجلس الشعب اللي ما عملش حاجة يعد نموذجًا لمرشح الإخوان".


وقالت والدة الشهيد محمد مصطفى- الطالب بكلية الهندسة وبطل مصر في كرة التنس، والذي لقي مصرعه إثر إصابته برصاصة خلال أحداث مجلس الوزراء الدامية في ديسمبر الماضي، خلال مداخلة هاتفية مع الإعلامي محمود سعد في برنامج "آخر النهار" على قناة النهار الفضائية، "نحن مجبرون الآن على التصويت لمحمد مرسي، لأنه من غير المعقول أن أصوت لصالح من قتل ابني، لكن من يضمن لي أنه سيعيد لي حق ابني؟"، مضيفة "ونحن نجد أن الإخوان من أول ما مسكوا مجلس الشعب وبيرجعوا في كل كلمة قالوها، ويقولوا الظروف حكمت إننا نرجع في كلامنا".


وأضافت، "كنت أتمنى من مرسي إنه خلال المناظرات اللي عملها يجيب ناس تسأله وتناقشه في كل شيء، مش يجيب أنصاره من الشباب اللي تبعه، عشان نعرف إجابته إيه، لأنه ببساطة هيطلع نفسه من الموقف ويقول إن القضاء حكم، ونلاقي كل القتلة واخدين براءة".

الشروق

آخر تحديث يوم الأحد 27 مايو 2012 - 2:45 ص ا بتوقيت القاهرة