[روشا الفرفوشه]

بقـــي ده اسمـــه كـــلام ؟؟

.


شويه تقول حاسس اني لوحدي

وشويه تقول انا تعبان و زهقان

وشويه تقول مخنوق وملان

بقي ده اسمه كلام؟؟



شايل هم الدنيا بحالها ليه ؟؟

هو مفيش غير في الكون ولا ايه ؟؟

قافل علي نفسك الدائره كده ليه ؟؟

بقي ده اسمه كلام ؟؟



الدنيا كبيره والناس فيها كتيره

منهم الطيب والصالح ومنهم اكيد الغير صالح

ليه باصص دايما ومركز مع كل الوحش ؟؟

بقي ده اسمه كلام ؟؟

خليك متفائل ودايما فاكر

ليك ربك رحوم و رؤوف و متحنن

ومهما ضاقت عليك هتهون

ماهو قال ها أنا معكم كل الايام

واهو ده بقي الكلام



افتح قلبك للخير وحب كل الناس

وارمي ورا ضهرك همومك وكل الاحزان

وقول برمي حمولي و همومي

واهو ده بقي الكلام


قرب منه تلاقاه علي طول جنبك

عمره ما هيقفل بابه لو فيه الخير قلبك

الله بيقول ادعوني واكيد هيجاوبك

واهو ده بقي الكلام




سيبك من كلام الناس ومن اللي مش عاجبه

عمر الناس ما اجتمعوا علي حب شئ واحد

خلي هدفك قدامك واسعي وراه دايما

يرضوا الناس او مايرضوا رضا ربي هو غايتي

واهو ده بقي الكلام