بالمقادير التقريبية
و انتي تتحكمي في المقادير علي حسب القوام المطلوب
بنجيب السمنة نقدحها يعني تدوب و تسخن خالص (حوالي معلقتين سمن)
نحمر فيها الدقيق لحد ما يبقي لونه دهبي (حوالي معلقتين دقيق)
و بعدين نضيف اللبن (حوالي كوب و نص)
(يفضل اللبن يكون بنفس درجة حرارة الغرفة او دافي عشان ميكتلش)
و نقلب و نسيبه ياخد غلوتين خفاف كده لحد ما يتخن
و نضيف الملح و الفلفل و بيبقي قوامه كثيف كده
و نسيبه يبرد شوية
و بعدين نضيف البيض (حوالي 4 بيضات)
(للمكرونة لازم البشاميل يكون فيه بيض،لكن لو خضار او حاجة تانية ممكن من غير بيض خالص)
و بيبقي برده كثيف شوية مش خفيف خالص
و يستخدم مع المكرونة او مع الخضروات مع العصاج
بس يا سلام لو بتعملي اي حاجة فيهم سواء وش المكرونة البشاميل
او الخضار اللي فيه عصاج بالبشاميل
علي الوش ترشي جبنة تركي بتدي احمرار و طعم و ريحة حلوة جدا