ليله راس السنه في كنيسه القديسين
المره ديا هنا المره الجايه فيــــــــــــــن؟
دخلنا عشان نصلي وخرجنا عشان نقابل
انفجارات القنابل وهجوم المجرميـــــــــن
موازين العدل مالت وحتي الرحمه زالت
متنا ودمانا سالت والدور الجاي علي مين؟
لكن بنقول يؤسفنا الموت مش بيخوفنا
ايه يعني الجسم يفني؟ده احنا بالروح خالدين
دخلنا عشان نصلي
+يا مصر دي مش طباعك دي ناس عايزين ضياعك
طول عمرك فيكي محبه وولادك متصاحبين
دينك لله سبيه هو يحاسب عليــــــــــــــــــه
هو انت جرالك ايه يا ارض الطيبيـــــــــــن؟؟
ومهما عملتوا فينا ايمانا لسه فينا
فيه قائد للسفينه هيكون لينا معين
هنفضل زي ما احنا ماسكين في ايدين مسيحنا
بندوس علي اي محنه ونموت ونقول ترانيم
دخلنا عشان نصلي