[Mary Naeem]

بهجتى فيك

بهجتى فيك يارب الكون العظيم
نبض القلب يخفق عند ذكر اسمك العظيم
وترفرف الروح كحمام يرفرف مُسَبح ليك
المجد والعظمة والتسبيح لخالق الكون القدوس القدير


وسط زحمة الحياه يرتفع القلب بالترنيم
فتتمم لى واجباتى بتحدى للزمن عجيب
وسط سباق الزمن
يكون الشكر ليك اقصر طريق للفرح وسط الضيق





بتوسل اناجيك
فاجدك تستجيب حتى لأبسط فكر لى
بتضرع اصرخ ليك
فاجدك تحملنى بعطفك الأبوى العجيب


وسط التعب أجدك تقوينى
وسط الحزن اجدك تعزينى
وسط الضيق اجدك تُسَخِر كل مخلوقاتك من اجلى انا الصغير
وسط الحيرة أجد حكمة روحك القدوس مرشدى الآمين





عظيم فى محبتك يا مخلصنا الصالح البار الأمين
اسجد بخشوع امام عرش النعمة برجاء فيك
اسجد متضرع اليك ان تحتوينى فى دماك المسفوكه عنى على الصليب
اسجد راجى نعمة محبتك التى تفيض
اسجد شاكر ليك على كل شئ


برهبه من عظمة مجدك أناجيك
وبخفقان القلب اردد اسمك فى كل حين
يا إلهى الواحد الوحيد الذى ليس له شريك
يا قدوس يا بار يا الله الواحد الجوهر ذو الثلاث اقانيم
يا من يخضع لك كل شئ
اشكرك انى على اسمك فرح بيك