[Mary Naeem]

(2)ليه اللغة المصرى بتستخدم " إما " كأداة تخيير ، وفى ريف مصر بيقولوها " إممَن " بتضعيف الميم ؟؟

ليه اللغة المصرى بتستخدم " إما " كأداة تخيير ، وفى ريف مصر بيقولوها " إممَن " بتضعيف الميم
واللى بتساوى " وإلا " فى العربى
، زى ما بنقول مثلا :
تعال معايا .. يا إما هروح لوحدى ( يا إممَن هروح لوحدى )
اتصرف انت .. يا إما تسيبنى أتصرف ( يا إممَن تسيبنى أتصرف )

وده مختلف عن أسلوب التخيير بإما فى العربى
لأن فى العربى التخيير بيتكون من ( إما + أو )

بالعربــى : إما أن تأتى معى .. أو سأذهب بمفردى "
بالمصرى : تعال معايا .. يا إما هروح لوحدى

وهنا واضح إن موضع ومعنى واستخدام " إما " العربية مختلف تماما عن " إما " المصرية المتحرفة من " إممُن "

وبنلاحظ كمان إن التخيير فى المصرى ممكن ييجى بأدة واحدة اللى هي " إما " والياء اللى قبلها فى أغلب الأحيان بتكون زايدة لتحسين النطق مش أصلية .. يعنى لو جربنا ننطقها من غير "يا" هنلاقينا بننطق " إما " بس ومفيش " يا " خالص ..

" تعال معايا إما هروح لوحدى "

فى حين إنه فى العربى لازم الاتنين ( إما + أو ) عشان معنى الجملة يستقيم


____________________

ref :
حاضر الثقافة فى مصر - بيومى قنديل
قاموس اللغة القبطية للهجتين البحيرية والصعيدية - قبطي عربي - معوض داوود عبد النور