[sama smsma]

المشاركة الأصلية كتبت بواسطة المرنم جرجس

سمسمه الغاليه علينا كلنا منوره وجه دورى بئا وربنا يكون فى عونك فى الاجاابات هههههههههه
نبتدى ولا مش عايزه هههههههههه

ههههههه لا ازاى اسأل يا جرجس اسأل
الاسئله دى بتاعتى مش كوبى زى ما الاغلبيه بيعمل
ههههههه المهم انى اقدر اجاوب يا خووووووورابى هههههه

الاول ؛ انتى فنانه فوتوشوب ممكن اعرف بتحبى الفوتوشوب والتصميمات ليه ؟؟؟
علشان بحب الرسم والتلوين جدا ودة كان فى مجال شغلى ترميم الاثار وخصوصا الايقونات القديمة كنت بكمل ايقونات ناقصة او مقطوع منها جزء كنت برسمة واكملة
المهم كنت وانا صغيرة فى ثانوى كنت بتخيل الصورة فى دماغى قبل ما ارسمها
بعد كدة ماكانش عندى وقت اقعد ارسم لان الرسم بياخد وقت كبير
والعيال واخدين كل وقتى فلقيت برنامج الفوتوشوب انى ممكن اركب الصور زى منا بتخيلها وطبعا انت عارف عندى صور حلوة كتير حبيت اقصها واركبها على خلفية تناسبها زى منا بتخيلها
احلى حاجة فى التصميم انك تحس انك راسم صورة بأيدك


التانى : انتى طموحك ايه فى المستقبل من ناحية البيت والاجتماعيات العامه والفنون حتى لو نكتفى فى فنون التصميمات ؟؟؟ وايه الجديد اللى ممكن تقدميه فى المستقبل ؟؟؟
فى مجال التصميمات عملت صفحة فى الفيس للصور العالية الجودة والصور المقصوصة اللى تساعد المصممين فى التصميمات بتاعتهم ولسة بشتغل فيها وانشاء اللة تكبر والخدمة فيها تكبر
تيجى الاجازة بس وانا اهتم بيها اكتر
انما بقى فى البيت انا مجنونة تغيير ههههههههه كل فترة تلاقى البيت دة مش بيتنا بغير كل حاجة من مكانها وبحلم طبعا اشوف العيال احسن حاجة فى الدنيا
ومن ناحية الاجتماعات نفسى اشوفكم كلكم ونطلع رحلات للصعيد كله مع بعضنا

التالت " انتى هواياتك المفضله ايه والاكلات المفضله والاماكن المفضله لزيارتها ؟؟
بحب الرسم والفوتوشوب وبكتب تأملات وترانيم
بس اغلبية الهوايات دى وقفت بسبب انشغالى بالبيت الخدمة
بحب المكرونة البشاميل جدا والبانية والبوفتيك والفراخ فى الفرن والشيكولاتة
بحب اروح الغردقة وشرم الشيخ علشان الهدوء والاسكندرية علشان الزحمة هههههههههههههه

المشاركة الأصلية كتبت بواسطة المرنم جرجس

الرابع > لو انتى مديرة المنتدى هنا وانا عارف انك مديره لا اقصد لو ملكيه خاصه لوحدك هتعملى ايه دا بعد اذن رامز حتى لو مسكتيه اسبوع بس هتعملى ايه فيه ؟؟؟
هاغير الالوان واخلية تركواز وفوشيا وموف هههههههه
الخامس : لو انتى وجوزك واولادك جاتلك فرصه تهاجرى خارج مصر هتروحى ولا نوووووووو ؟؟
مش بنحب الغربة خالص

السادس / لو احنا عملنا اجتماع لاجل المنتدى او اتقابلنا عمومآ فى مكان او رحله مع الاسره هنا ماهورد فعلك ؟؟؟ وماذا تفعلين لاجلنا ههههههه
هابقى مبسووووطة جدا جدا
ههههههههههههه هما عارفين انا بعمل اية
اول حاجة بعملها الاكل طبعا ههههههههههه بس ياريت بجد نطلع رحلة كلنا لما حال البلد يتعدل

السابع ؛ عندك كام اخ واخت وهل كلهم متجوزين ولا نووووووووووو علشان لو فيه اخت حلوه زيك ومؤدبه وكاملة الاوصاف نرتبط بيها وانتى زى اختى وانا بعاكسك عادى يعنى ههههههههه ولا جوزك يعلقنى من قفايا ولا حاجه هههههه وبس شكرا يا غاليه وبالتوفيق فى الاسئله

جرجس هش هش بيتك بيتك هههههههههههههه لا مافيش تعليق انت زى اخويا
هو فى ضرب نار بس هههههههههههههههه
ايون عندى اخت واخ واخويا متجوز
وميرسى بجد يا جرجس على اسئلتك الحلوة