[فرونكا]

لما تعاتبك على إنك ما رديتلهاش الرسالة فى وقتها .. تبقى بتحبك

لما تتخانق معاك عشان ما طمنتهاش عليك .. تبقى بتحبك

لما تتلكك عشان تسألها عن تفاصيل يومها و الفترة اللى فاتت و انت بعيد عنها و تزعل منك أما ماتفهمهاش .. تبقى بتحبك

لما فجأة تلقاها بعتتلك رسالة فاضية على الموبايل .. تبقى بتحبك

لما تعملّك شغلانة على كلمة فاضية جاتلك من واحدة صديقة ف تعليق على آخر بوست بتاعك ع الفيس .. تبقى بتحبك ^_^

لما تلقاها بـ تكتب رسايل إلى مجهول و خصوصاً لما تبقى بقالك كتير ما كلمتهاش ... تبقى بتحبك

لما تسألك على كل حاجة فى اليوم حصلت معاك و تهتم بكل تفاصيل حياتك بدون ملل و انت فعلاً من جواك حاسس إنها مهتمة ... تبقى بتحبك

لما ماترضاش توجعلك دماغك فى اللحظة اللى هى عارفة إنّك راجع من الشغل تعبان فيها أو وراك مشوار أو مشغول بـ حاجة ... تبقى بتحبك

لما تخبّى عليك تعبها عشان ما تقلقكش .. تبقى بتحبك

لما تقعد فترة تلاقيها بتكتب إنها متدايقة و بعد مكالمة بينكم تلاقيى الدنيا عندها اتغيرت 180 درجة ... تبقى بتحبك

لما تلقاها سألتك : "صحيح .. هى "...." لما كتبتلك ع الوول عندك "إنبوكس" كانت عاوزة حاجة يعنى؟" .... تبقى بتحبك

و انت لما تستحمل منها كل دا و انت مبسوط .. تبقى بتحبها ♥