ياللى معاك أمك إكرمها
قبل ماتندم يوم من غيرها
حملت وضعت تعبت ربت
وكبرت بتاكل من خيرها
وحتى لما بتئسى عليها
مافى غيرك شاغل تفكيرها
وإن جيت يوم تتعب أوتمرض
مافى غيرك بيكون فى ضميرها
وصى عليها رب المجد
هذة امك وانت ولدها
برضاها يرضى عليك ربك
مش عاوزه مناقشه ولا مداوله
ومهما هاتعمل مش هايكفى
لجميلها عليك يوم هاتوفى
أمك دايما خيرها عليك
مهما كبرت وده يكفيك
أمك جنه معاك عالأرض
برضاها تسلم يوم العرض
وزى مابتصلى وتصوم
رضى أمك بردو ماهو فرض
إوعى ال (أف) أو التكشيره
خد بالك ...كده تبقى كبيره
أصل أمك أفضالها كتيره
ماليه حياتك طولها وعرض
وكل سنة وكل ام طيبة