حليب وجبن الصويا صيااااامى
------------------------------------
دى طريقة صناعة حليب فول الصويا
والجبنة من حليب الصويا
والفول الصويا دة موجود فى مصر واسمة كدة والكيلو ب10 جنية تقريبا وهو شبة الحمص كدة
اولا الحليب :
المقادير :
3 اكواب فول صويا
ماية
الطريقة :
ننقع فول الصويا فى 9 اكواب ماية لمدة 12 ساعة لغاية ما الحبة بتاعتة تنفش
نرفع الفول والماية على النار لغاية ما يوصل لقبل الغليان ونطفى النار ونسيبة ربع ساعة
فى حلة تانية هنحط 15 كوب ماء ونرفعها على النار ونسبها تغلى وممكن نقلل الماية دى او نزودها على حسب سمك الحليب اللى احنا عايزينة
هنصفى فول الصويا ونحطة فى الخلاط ونحط معاة حبة من الماية اللى بتغلى بحيث انها تغطية
ونهرسة كويس وبعدين نضيفة على باقى الماية اللى بتغلى
وننتظر حتى يصل إلى درجة الغليان ثم نرفعه جانباً
ونعيد العملية مرتين.
ثم تخفف النار إلى أدنى درجة ونتركه حوالي 10 دقائق
مع الانتباه بأن لا ندعه يلتصق بالحلة
هنحط مصفة ونحط فوقيها حتة قماش او شاش نضيفة ونصفيه كويس ونحط علية3كوب ماء مغلى علشان ننزل كل اللى فى القماشة مش سوائل
كدة بقى جاهز
ثانيا الجبنة:
المقادير:
حليب الصويا
عصير لمون
ملح على حسب الرغبة
الطريقة:
نضع الحليب على النار لغاية ما يغلى
و نبعدها من على النار ونرش عليها رشة الملح حتى تهبط
ثم تعاد للنار مدة 7-10 دقائق
ثم نقوم بإضاف عصير حبة ليمون
ثم نطفى النار وتترك لتتماسك مدة ساعة أو ساعتين
وبعدها تؤخذ قطع الجبن من الوعاء بمصفاء
وتوضع في قالب عليه قماشة ونقوم بعصره لإخراج الماء الزائد وتترك فتـــرة أخرى لتتماسك أكثر.
وتستخدم بالهنا
.
.