[Mary Naeem]

يـا نفســـى لسه مفهمتيش



لسه جعانه للعالم مشبعتيش
كل يوم بتاكلى من العالم وبتشربــــى
وانتى مش حاسه من جواكى إنك بتخربى
ليه يا نفســى من الحقيقه بتهربــــى
فيها ايه لو لحب يـســـوع تجربـــــى
لسه مفهمتيش انك دايما فى جـــــوع
جــــــــــوع ميشبعهوش الا يســـــوع
ده هـــــــو اللـــــى عنده مياه الينبوع
يا نفســـــــى نفسك فى ايه تانــــى
من حبى ليكى فى الزياده بقيت انسان انانى
بصرخ لك يارب بصــــــوت مسمـــــوع
متسبنيش دايما فى عطش ولا جـــــــوع
متسبنيش بعطش دايما لعالم فانـــــــى
كل ما اشــــرب منه برجع اعطش تانــى
لانه لا فى يوم هيعرف يشبعنى ولا يروينى
ولا هو عنده اللى انا محتاجه علشان يدينى
انت وحدك بس يا يسوع اللى تقدر تروينــى