[morcos20]

+
ياسيدتى كوكى...
*************
1- فكرة غير مستحبة...وممكن يسحبها زى النعجة حبة...حبة.
2- ممكن يكون وحش ...وممكن يقربها من ربنا!!! ليه هو واعظ أو مرشد روحى ؟ ما الكنيسة جنبها وإجتماعات الشبات والتاسونات.
3- كلام مارى نعيم صح. البعد عن النار ولا اللعب بهــا.
4- لازم تأخذ بالها من الكلام معاه ؟ إزاى حتعمل إشارة مرور ...ماهو واحدة واحدة ويفتح مواضيع متنوعة وهى حتتعود على الكلام وتتعلق.وأحيانا يكون إسمه مستعار وكذاب وممكن متزوج ويسحب البنات خصوصا المسيحيات.
5- وحكاية تأخذ بالها من الكلام إزاى ؟ حيجذبها بمعسول الكلام والحب ونغم الغرام ويحاول يطلب يقابلها علشان يقدر ينام .ماينفعش الكلام ....الكلام أول سنارة للسمكة المحتارة السهرانة. لو وقعت حيشويها على النار ويذلها .
6- لاطبعا غلط...صح وأنا معاك وألف غلط....ممكن يكون عندها مشاكل فى البيت أو العمل أو الدراسة يستغل ضعفها ويسيطر عليها.سيطرة تامة .
7- فهميها إنه بيتسلى...!!!لما تفاتحة فى خطوبة أو زواج يسرد لها حكايات وحكايات ويتهرب من كل الإجابات.
8- كلام كوكى إن الحب قد تم عن طريق النت وواحدة تعرفها.حالة شاذة ووحيدة ... ويتيمة...زى واحد مريض وقع على الأرض وقام
بالسلامة ممكن صاحبتك قالت له إتفضل إطلبنى من أهلى رسمى وفى الخطوبة نتعارف على بعض.
9-حكاية زواج النت زى الإعلانات فى الصحف والمجلات وفى جريدة وطنى أيضا وبيكتبوا أرقام الموبيلات للتعارف والمقابلات طبعا.
10- طبعا لا...لا...وألف لآ واللى بيقع فريسة للأسف المتعلم .وخصوصا البنت لما تقرب على الثلاثين تندفع وتفكر تشترى عريس؟
العالم إتغير النهاردة البنت بتتعلم جامعة ودراسات عليا وبتعمل وبتحدد مستقبلها وتوسع دائرة صداقاتها ...البنت النهاردة ليست
شكل ومنظر وإنوثة وجمال...بل فكر وعقل وثقافة وشريكة حب وقلب وروح ووجدان وأم مثقفة راعية للأجيال .مع تمنياتى لكل
البنات بالتقدم والسعادة والحب والجمال.
+++
مرقس إســـكندر مقار