[Mary Naeem]

بلال فضل لـ"بديع":"إلهي أشوفك متعري ومسحول في الشارع يا مرشد الإخوان"






استنكر الكاتب الصحفى بلال فضل اعترافات المواطن المسحول أمام الاتحادية،قائلا:"اللي كان بيتفبرك لهم إعترافات بتفجير الكنايس والإرهاب لما وصلوا للحكم هما نفسهم عايزينك تصدق إن حمادة قلع نفسه ملط والشرطة بتتحايل عليه يلبس".

وقال فضل، فى تغريداته على موقع التواصل الاجتماعى"تويتر"،"طيب إرسوا لكم على بر هو المواطن قلع نفسه ولا المتظاهرين قلعوه ولا قطاع الأمن المركزي عراه وقطاع حقوق الإنسان لبسه، عايزين وساخة ليها منطق".

وأضاف فضل قائلا:"الأول مراة الريس ماسافرتش طابا والبلد بتولع دي فبركة، ولما تطلع سافرت يردوا بنفس الثبات:دي حرية شخصية والحزن ينفع على شط البحر عادي".

وتابع قائلا:"طب هو ياحضرة الاخ لما المتظاهرين هما اللي قلعوا المواطن كانت العساكر بتضربه ليه بالشلوت، كانوا خايفين عليه يستهوى فيبدفوه، بطلوا وساخة بقى".

وأوضح قائلا:"طب يا أخ يامتدين بالنسبة للشاب اللي واخد طلقة في رأسه وفي صدره في شارع جانبي قدام الإتحادية.. ده مايبقاش سفك دم.. هدم الكعبة أهون عند الله منه".

وأشار قائلا:"يعني إنت امبارح صدقت لما قالوا بلطجي قلع نفسه.. والنهارده صدقت لما قالوا لا ده راجل طيب والمتظاهرين قلعوه.. وبعد كده بتزعل لما يقولوا عليك خروف".

ودعا قائلا:"إلهي وإنت جاهي أشوفك متعري ومسحول في الشارع يامرشد الإخوان والشرطة بتضربك بالشلاليت والبنادق عشان تقنعك إنها تغطيك".

وأكد فضل أن أغلب الظن إن "اللي إتسحل واتعرى في الشارع حمادة واللي طلع في التلفزيون حمادة تاني خالص".