طريقه حفظ الثوم بالفريزر
1- قشرى كمية كبيرة من الثوم .
2- ضعى كمية منه في الكبة أو فرامة البصل وضيفى له
حوالي 1ملعقة صغيرة ملح ( الملح يسهل الفرم ويجعله انعم وكمان بيحافظ عليه لمده اطول لانه يعتبر ماده حافظه )
3- افرمى نصف فرمة ( بمعنى ليس ناعم )
ثم ضيفى نصف ملعقة صغيرة أخرى ملح ,
و2ملعقة كبيرة زيت ( الزيت بيخليه يحافظ على لونه وميتغيرش عشان نحفظه لمده طويله) .
4- وبعدين افرمى مرة أخرى حتى نصل به إلى الدرجة المفضلة لديكِ (ناعم –أو ناعم جدا ) حسب الرغبة .
5- هاتى علبة بلاستيك لها غطاء محكم
وتكون نظيفه وجافة جداً .
(ممكن تستخدمى علبة الحلاوة الفارغة )
وضعى فيها الثوم
6- ساوي السطح ثم ضعى عليه طبقة من الزيت
بإرتفاع نصف سم تقريباً عشان يكون عازل ليه من الهوا ويمنع تغيير لونه او تاكسده وكمان بيساعد على حفظه من الجفاف ويفضل طرى.
7- وأحكمي غلق العلبة وضعيه في الفريزر .
ممكن تستعملى علب مختلفة الاحجام .ويستخدم عند الحاجة ويعاد غلقة بإحكام وإعادته الى الفريزر .
خدى بالك لازم تقفليه كويس جدا عشان ريحته .. ميخليش الفريزر ريحته ثوم ويأثر على باقى الاكل والفاكهه الى مخزناها فى الفريزر
8-نكررنفس الخطوات في باقي الثوم حتي إنتهاء الكمية .
وبالطريقه دى ممكن تخزنى كميه ثوم تكفيكى لمده ويله ممكن يتخزن لاكتر من ست شهور
بس خدى بالك خلى عندك برده كميه ثوم مخزنه بالطريقه التقليديه بتاعتنا من غير تقشير او حفظ فى الفريزر عشان لا قدر الله لو فشلتى فى عمليه الحفظ دى او لو الثوم باظ منك او حتى خلص يكون عندك بديل
ممكن تجربى اول مره فى كميه محدوده وشوفى نتيجتها لو عجبتك خزنى كميه اكبر المره الجايه
اه نسيت اقولكم كمان لما تطلعى الثوم استخدميه وبعدين تدخليه بسرعه الفريزه متخليهوش يفقد الثلج بتاعه وبعدين تجمديه تانى لان كده ممكن يبوظ منك بسرعه
يارب اكون قدرت افيدكم