[روشا الفرفوشه]

اتعود تحب ومتكرهش
ولو حد اساء ليك فى قلبك متشلش

اعمل خير وارميه البحر
واوعى تستنى من حد مقابل

خلى عشمك فى ربنا وحده

حب الناس كلها بس اوعى تنسى ... انك تحرص

لو حد جرحك قول يارب سامحه
خلى رياح المحبه تطير رمل الزعل عنكم

اوعى تشيل فى قلبك من حد

عيش حياتك بأبتسامه مهما كانت الضغوط حواليك
لو مشاكلك هتخليك ديما زعلان
بص للسما وافتكر انك ليك رب مدبر كل الاحوال

عيش حياتك بطريقه مختلفه
خليك مش عــــــــادى
واوعى تكون زى اى حد

خلى الناس لما يشوفوك من بعيد يفرحوا بيك
يبقوا مش عاوزين يسبوك

ما هم عارفينك مش بتحب النكد .. وكل واحد فيه اللى مكفيه

لو عايز تشكى وتتكلم مع حد يحس بيك ... اوعى تلجئ لحد غير يسوع
لانه وحده هو حاسس باللى فيك وعارف اللى حواليك ومدبر الكل ليك

اوعى تسئ لحد اساء ليك
اوعى تفكر فى الانتقام ( عمره ما كان من طبعنا )

خلى يسوع اللى جواك يظهر فى تصرفاتك فى افعالك
حتى فى ابتسامتك

ابتسم واشكر ربنا
اشكر ربنا على اصدقائك اللى حواليك
ولو اصحابك غدروا بيك اشكر ربنا ع الدرس اللى اخدته اشكر ربنا انه بعتلك حد غيرهم احسن منهم

اشكر ربنا على عائلتك اهلك اصحابك حبايب
حتى الناس اللى بتشوفهم ومتعرفهمش

اشكر ربنـــــــا وخليك مبتسم ومبسووووووووووط مهما كــــــــــانت الضغوووووط

meroo