[Mary Naeem]

فطيرة القشطة والعسل
طريقة المقادير للعجينة
2 ونص كوب طحين \ ربع كوب زيت \ 2 ملعقة كبيرة حليب بودرة \ 1 ملعقة كبيرة قشطة \ 1 ملعقة كبيرة خميرة \ ربع ملعقة بيكنك باودر \ رشة ملح \ 4\3 كوب ماء دافئ
نخلط جميع المواد الجافة وبعدهة نصب السوائل ونعجن لحد متتكون عدنة عجينة متماسكة نضعهة بطبق ونغلفهة بكيس نايلون ونخلهة بمكان دافئ لحد متختمر ويتضاعف حجمهة



هنا شكل العجينة بعد ساعة من التخمير


راح نحتاج للحشو نص كوب قشطة و6 قطع جبن كيري نخلطهم مع بعض و1 كوب قطر أو عسل نحل نستعملة بعد منطلع الفطيرة من الفرن



نقسم العجينة قسمين ونفتحهم بشوبك نضع اول طبقة بقالب مدهون ونصب خليط القشطة والجبن



ونضع القطعة الثانية من العجينة على الوجه ونحاول نسد جميع الاطراف بشكل جيد وندهن الوجه بلبيض ونرشة سمسم ندخلهة الفرن على درجة حرارة 170 لمدة 45 دقيقة لحد متشقر


اول متطلع من الفرن نصب عليهة القطر او عسل النحل ونتركهة نص ساعة وبعدين نقدمهة