[Mary Naeem]

نفسى ميلادك يلمسنى

عيد ميلادك ياربى قرب
وانا برضو منك بجرى وبتهرب
كل سنة وانا عنك ببعد واتغرب
اازى بنجستىى وبشهواتى راضى تقبلنى وتقرب
ميلادك بيكون فكل الدنيا الا قلبى المتهرب
كل سنة لا كل ثانيه عنك بتفكرنى وبتشدنى
نفسى ارجع تانى لحضنك دا شيئ يهمنى
بس خطيتى حمل تيقيل كسر كتافى وهدنى
مع كل وقفة وقومة القى ضربه توقعنى واحس انى مليش قومى
نفسى الميلاد السنه دى يكون حقيقى فقلبى
مش مجرد لبس جديد وارسم ابتسامة تخفى همى
نفسى افرح بيك من تانى والاقى ايدك المرة دى سندانى
نفسى ابقى مزود صغير وانت تحل فيه
تطهره وتنضفه من كل خطيه ساكنه فيه
تباركه ياربى ترجعه ليك تانى وتحليه
انا اصلى ايمانى ضعيف مهتم بهدمة ولقمه
فرغيف
نست كلامك انه مش بالاكل بس يعيش الانسان
دا فى صلاه وصوم وسهر وحاجات حلوة كتيرة كمان
وحشتنى يا ربى اوى ونفسى ميلادك يكون فقلبى قبل اى مكان