ترنيمة( لـلـعـالـم جيت)
1- من حبك للعالم جيت مت عشانا يارب بقيت
شايل عارنا دقت مرارنا رجعت نهارنا وخليت أحزاننا تهرب وتدوب
القرار - عايش أنا في العالم أيـوة والعالم مش عايش في قلبي اتعلق بالمصلوب
وباحب العايشين في العالم لكن باكره كل خطية لا متع تغريني ولا ذنوب
2- ما با أحبش عالم هيزول وطني السما وتملي باقول
لو حبيت العالم هاشقى هابقى عدو الله ... معقول ده أبويا الغالي المحبوب
3- عالم فاني وكله حروب واللي يحبه يعيش مغلوب
وقلوب التايبين بتسيبه وتروح للي جعلها تتوب تشبع بكلامه
المكتوب
تاسع ترانيمة(اللي اتولدو قبلنا )
اللي اتولدوا قبلنا واللي عاشوا عمرنا
واللي هايجوا بعدنا يمكن يكونوا زينا
مش مهم ايه جنسنا أو حتى لون جسمنا
أو ايه فصيلة دمنا أو كم حصيلة شغلنا
تيجوا نفتح قلبنا يا ترى بنحب بعضنا
زي ما حبنا ربنا ده كلام لينا كلنا
لأخويا وأختنا لأبويا وأمنا
وكمان لي أنا تيجوا نقبل ضعفنا والرب يضمنا
=====================
(انـــــت بــتــغــفــــــــر)
إنت بتغفر وأنا باتمادى وأغرق جوه شروري زيادة
وإن قلت كفاية وبزيادة أرجع تاني أحن لضعفي
أعمل إيه ... في اللي أنا فيه ... لما أوعد مش باقدر أوفي
أنا ندمان ... أنا تعبان ... يا يسوع محتاج إيدك تشفي
آه من أوجاعي وأحزاني بارجعلك وأبعد من تاني
وعشان كده راحتي مخصماني والأفراح مابقتش في صفي
مد عصاك يا يسوع أدبني يمكن بالطريقة دي تجيبني
أنا عارفك تقدر تعاقبني بس إنت بتقدر وبتعفي