بشكرك ياكاتي علي الموضوع الرائع
بس من رأيي ان الصراحه دي موضوع كبير
مش كلمه او جمله يمكن ان توضح او تشرح المشكله
اللي هي (انني اكون صريحه مع اللي قدامي ولا لا)
فمثلاً لو انني بشتغل مع مدير في العمل والمدير ده امكانياته قليله في الاداره
مارحوش اقوله انت ماتنفعش في المنصب دا وانت مكانك مدير لروضه اطفال
طبعاً دي ماتبقاش صررررررراحه
كمان مثال تاني:لو وحده صحبتي بتحكي موضوع وانا عارفه الموضوع ده وجات هي اتوسعت في الكلام ...مااجيش انا اقولها حاسبي يافلانه انتي كدابه ماحصلش كل الكلام ده..طيب ايه هيكون رد فعلها ورد فعل الناس اللي قاعدين يسمعوا ؟؟؟ولو الموضوع دا اتكرر معايا انا وكنت انا اللي بتكلم ووحده عملت معايا كده..ياتري ردي عليها هيكون ايه؟؟؟؟
ولو زوجتي راحت لحماتها وقالتلها كلمتين حلوين علشان الحب يكون متواصل بينهم...ورحت انا مثلا قلتلها ماتصدقيش الكلام ده دي بتكرهك وبتقول الكلام ده من وراء قلبها..ايه رد فعل زوجتي او رد فعل حماتها ...
دا لو بنتكلم عن الصراحه مع الاخرين ...عاوز تكون بحكمه وبعقل ونشوف هل الصراحه تجرح الاخرين وتفقدهم ولا السكوت افضل...
لكن الصراحه في الاسرة والواحده دي مفروضه وواجبه علي الجميع بمعني الزوجه ماتعملش حاجه وتخبي علي زوجها كذلك الرجل ..بمعني ماتقولوش رايحه عند مامتي وهي رايحه عند وحده صاحبتها ..او رايحه الكوافير ...وهي رايحه مكان تاني...او فيه احد جه البيت وتخبي عنه وتقول مش لازم يعرف كل حاجه....
لكن لو بيني وبين شريك حياتي عاوزه اقوله علي حاجه بس صعبه شويه...ممكن اقولهاله بدبلوماسيه...زي اني اقوله كلمتين حلوين الاول ثم اقول اللي عايزاه (بس مايكونش بطريقه دبش)ثم اختم بكلمتين حلوين ...زي اللي بيحط السم وسط العسل ..
بالطريقه دي هيقبل كلامي ويكون علي قلبه زي العسل ..نفس الطريقه مع الزوجه لو زوجها عاوز يقلها اي حاجه صعبه...
أتمني أكون وضحت جزء من الصراحه
والرب معكم ويعطي الجميع النعمه والحكمه