رساله هاامه للجميع لما تتلاقى الوشوش يا دنيا
مريم شحاته
تأليف بنت المسيح
مريم شحاته
ناس تضحك فى وشك
و من وراك تنهش فى سيرتك
و ناس قدامك كلامها حلو
و من وراك نار عدو
ناس تدهن الدنيا قدامك بمبى
و من وراك توصفك بسواد وهمى
و ناس تانيه تعرفك و من خلفك تنكرك
ناس لمبانيك هدامه و لسرتك عتامه
و اول ما تقول اه سكاكنها تكتر وياه
و ناس تتمنى تجرحك و فى لحظه تدبحك
اصل الناس انواع منهم الفظاع
و تملى تتلاقى الوشوش
بس اكيد منها البشوش
لسه فى امل رغم التعسير و هدم العمل
ممكن تلاقى ضمير
فى قلوب موجوعه رغم الضرير
و هقولك يا دنيا اتحداكى
بيسوع انا مش همشى معاكى
اصل الهى فى وجه الفرح و الهنا
يداوى كل الجروح من اى عنا
و لسه يا دنيا بتتحدينى
امشى بهمك و سبينى
مش عايز منك ولا حاجه هاجرى و فوتينى
و لا يهمنى انك بتألمينى
و لو ناسك حتى حوطونى و طالونى
يسوع طريقى و مش ممكن ياخدونى
صحوا يا ناس ضمايركم
بلاش التزيف فى عمايلكم
تأليف
بنت المسيح مريم شحاته
