طيب ممكن نهدء شويه ونفكر بطريقه عقلانيه وبلاش الاحاسيس والمشاعر المجروحه دي ....
اولا عاوز اقول ان المشاعر الرقيقه المرهفه الحساسه دي نعمه من ربنا مش بيديها لكل الناس؟؟؟ليه لانها ببساطه وزنه وبيديها للي يعرف يستخدمها ....ولازم الشخص دا يستخدمها صح وإلا ربنا هيحاسبه عليها...
ثانياً :اولاد المسيح بيختلفوا عن كل اللي حواليهم اي ليهم سمات وصفات تميزهم وتظهرهم عن الاخرين...
ومن ضمن هذه الصفات انهم بيسلكوا كما علمهم ابوهم السماوي ويطبقوا وصاياه في حياتهم وتعاملاتهم مع الاخرين..
واليكم بعض الأمثله:
المسيح علمنا وقال:من يعرف ان يعمل حسناً ولايعمل فذلك خطيه له...
وكمان:كما تريدوا ان يفعل الناس بكم افعلوا انتم ايضا بهم..
فاولاد المسيح بيتعاملوا ببراءه ونقاء مع الاخرين بيقدموا يد العون والمساعده للجميع دون انتظار شكر او رد الجميل من احد...لاننا لو انتظرنا الناس ترد لنا الخير اللي بنعمله معاهم يبقي دا مش اسلوب اولاد المسيح...
وكمان الخير او العمل الحسن مش بنعمله من اجل الناس لالالالالالالالالالالالالالالا
دا احنا بنعمله من اجل المسيح (بس حذاري ان يدخل فيه الذات والانا )
وهذا العمل بناخد اجرته من المسيح وليس من العالم..
دا الكتاب بيقول من سقا اخيه كاس ماء بارد لايضيع اجرة
وحتي ان لم ناخذ اجرتنا من العالم فان الله لايمكن ان ينسي تعبنا وعملنا وجهادنا من اجل اسمه..
فاكرين الآيه التي تقول:لان الله ليس بظالم حتي ينسي عملكم وتعب المحبه التي اظهرتموها من اجل اسمه القدوس...
أظن بعد كده انك ماتزعليش ولا تتضايقي من معاملات الاخرين معك
والكتاب بيقول :ارمي خبزك علي وجه المياه ستجده بعد حين
يعني اعملي الخير ومصيرك هتحصدي نتيجته
تحياتي امال
والرب معكي