[بنتك انا]

ترنيمة في يوم من الأيام
فى يوم من الأيام وأنا نايم فى سلام

شفت 3 رهبان ومعاهم جندى كمان



واحد كام دقنه بيضا عجوز وفى إيده عصاية

قائد فى مغارة بعيدة وفى إيده التانية وصايا

فيها تعاليم كتيرة بتحظر من الخطايا

ده حبيبى الأنبا أنطونيوس إللى بركاته معايا

وبسرعة جريت عليه بست الصليب فى إيده

وقال لى أوعى تنسى إللى وصيتك بيبه



التانى أسود على ضهره كان فيه شوال كبير

شايله وماشى على مهله بيوقع منه كتير

بيقول دى خطايا عمره نساها له الشرير

ده حبيبى الأنبا موسى إللى ماأدانش الغير

وبسرعة مشيت معاه شلت الشوال وياه

وقال لى أوعى تنسى محبة الخطاة



تالت راهب أنا شفته راكع على الأرض شوية

قاعد جوة قلايته معاه طشت فيه مية

قدام يسوع بعظمته بيغسل رجله الغالية

ده حبيبى الأنبا بيشوى صاحب المحبة الغالية

وبسرعة روحت له جرى قال لى إستنى أنا جاى

وقالى أوعى تنسى محبة كل حى



أما الجندى كانت صورته واقف رافع الإيدين

وشال أحمر على كتفه وجنبه كان جملين

ودرع نحاس على صدره وراه دير بمنارتين

ده حبيبى مارمينا شفيع المؤمنين

وبسرعة جريت فرحان أخدنى بالأحضان

وقال لى أوعى تنسى تحافظ على الإيمان