اولا بجد كلنا هنا اخواتك يا مينا ودى اجمل شئ بتميز المنتدى ده
ثانيا صدقنى انا كمان اوقات كتير كنت بلوم ربنا على حاجات معينه فى حياتى
واقوله ليه بتعمل معايا كده وكانه مستقصدنى او مش عايز يفرحنى
بس بعد مرور الوقت بكتشف قد ايه كنت غبيه ومعرفتش افهم قصد ابويا من تدبيره لحياتى
ودايما ببقي حاطه قدامى الايه اللى بتقول
(( لست تعلم ماانا صانع بك الان ولكنك ستفهم فيما بعد ))
يعنى متحاولش تفهم كل حاجه بيعملها معاك ربنا فى وقتها لا فى الوقت المناسب
اكيد هو هيعرفك كان قصده ايه من كده هو عجيب الراى عظيم الفهم حكمته فاقت كل العقول
ثالثا فى ناس كتير اوى عندها امراض صعبه جدا زى الامراض الخبيثه او السرطان وغيره
دول يعملوا ايه ويقولوا لربنا ايه والاطفال اللى بيتولدوا بيه اهاليهم وهما لما يكبروا
هيكون ايه موقفهم من ربنا صدقنى كتيييييير منهم بيبقي فرحان بده طالما مع يسوع
واكييييييييد ربنا مش بيدي اى انسان فوق طاقته
(( لا يدعكم تجربون فوق ما تستطيعون ))
وهو اله امين وصادق فى كل وعوده
مش هيقول كلمه هو مش قدها هو وعدنا انه مش هايجربنا فوق طاقتنا
يبقي اكيد اى تجربه او ضيقه بتقابلنا ربنا بيبقي عارف اننا قدها وهاننتصر عليها
وبيراهن علينا قدام كل اللى فى السما وقدام عدو الخير وبينتظر انتصارنا
اسفه لو كنت طولت عليك
ربنا يفرح قلبك ويدبر كل امورك دايما
بصلوات ام النور والبابا كيرلس وكل الشهداء والقديسين امين