[Marina Greiss]

سلكة كان راجع من المدرسة تعبان اوى ماكانش شايف اى حاجة قدامة من التعب والجوع وماكانش قادر يطلع السلم لكن اول ما دخل البيت فجأة فاق صحى وفاق وياريته ما فاق


سمك تانى يا ماما وانا مش قلتلك 100 مرة انى مش بحبه ده حتى ريحته وحشة وكمان فيه شوك واخاف يعورنى لا مش هاكله يعنى مش هاكله


ومامت سلكة كانت عارفة انة ها يعمل كدة وكانت محضرة لة كلام اللى فيه المفيد


الرسول بطرس فى يوم راح اخد مركبة زى ما هو متعود عشان يصطاد


طول النهار كان بيحول ويرمى فى الشبك شمال ويمين لكن مافيش فايدة


وماعرفش يصطاد ولا سمكة لغاية ما جه ليه السيد المسيح اخر النهار وقال لة ارمى الشبكة جانب المركب


بطرس الرسول كان تعبان اوى ومش واثق انة هيلاقى سمك لانه حاول طول الليل ومفيش فايدة


لكن ربنا قال له تانى جرب وارمى الشبك زى ما قلتلك سمع بطرس الكلام ورمى الشبك وفعلا اصطاد سمك كتير جدا لدرجة ان المركب ماكانش مكفيه


بطرس الرسول ماكنش مؤمن لكنة حاول وسمع الكلام ربنا





يعنى كان مطيع


وفعلا لما شاف السمك ده كلة اتغير وبقى مؤمن جدا


وانت يا سى سلكة حاول تتغير وجرب تسمع الكلام مش ممكن تتغيرفكرتك وتحب السمك؟


وممكن كمان تبقى اكلتك المفضلة