لو حسيت فى وقت ان ماحدش حاسس بيك
لو حسيت فى وقت ان ماحدش حاسس بيك
والأبواب مقفولة متروسة ومفاتيحها مش فى ايديك
...
ومشاعرك مكتومة مخنوقة والحزن جوه ماليك
والكلام مش قادر يعبر والدموع مالية عينيك
إعرف ان فيه حد عايز يتكلم معاك ومستنيك
وكل ده حصل بقصده علشان تروحله برجليك
واقف مستنيك تسلمله مشاعرك وأحاسيك
وياخدك فى حضنه ويريحك من أتعاب ماضيك
ويمسكك زى الطفل وايده عمرها ماتفلت ايديك
ماتخفش أنت ليك أب مابينمش ودايماً سهران عليك